माजी खासदार डॉ.सुनील बळीराम गायकवाड यांनी राज्यपाल भगतसिंग कोश्यारी यांची घेतली भेट
मुंबई( विशेष प्रतिनिधी)
लातूर लोकसभेचे माजी खासदार संसद रत्न डॉ. सुनील बळीराम गायकवाड यांनी आज राज्यपाल भवन मुंबई येथे माननीय राज्यपाल भगतसिंग कोषारी यांची भेट घेतली नुकत्याच 17 फेब्रुवारी पासून डॉक्टर बाबासाहेब आंबेडकर मराठवाडा विद्यापीठाच्या पदवीच्या परीक्षा सुरू आहेत या परीक्षा ऑनलाइन असल्यामुळे आणि औरंगाबाद व मराठवाड्यात या आठवड्यात इंटरनेट डीस कनेक्टिविटी यामुळे अनेक विद्यार्थी हे परीक्षेपासून वंचित राहिले आहेत त्यामुळे त्या विद्यार्थ्यांना पुन्हा एकदा परीक्षेस बसण्याची संधी द्यावी ज्यांना इंटरनेटमुळे परीक्षेला बसता आले नाही अशा विद्यार्थ्यांना दुबारा संधी देण्यात यावी अशा मागणीचे पत्र लातूरचे माजी खासदार व विश्व दलित परिषदेचे राष्ट्रीय अध्यक्ष प्रोफेसर डॉ सुनील बळीराम गायकवाड यांनी माननीय राज्यपाल महोदयांना दिले.
माननीय राज्यपाल महोदयांनी विषयाचे गांभीर्य लक्षात घेऊन विद्यार्थ्यांच्या हितासाठी तात्काळ औरंगाबाद च्या डॉक्टर बाबासाहेब आंबेडकर मराठवाडा विद्यापीठाच्या कुलगुरूंची फोनवर या विषयावर सूचना दिली आणि या संदर्भात माजी खासदार डॉक्टर सुनील गायकवाड हे आपणाला भेटतील त्यांच्याशी चर्चा करून आपण योग्य निर्णय घ्यावा अशा सूचना माननिय राज्यपाल महोदयांनी कुलगुरूंना दिल्या.
माजी खासदार डॉक्टर सुनील बळीराम गायकवाड यांनी माननीय राज्यपाल भगतसिंग कोश्यारी जी यांचे विशेष आभार व्यक्त केले आणि काही विषयावर माननीय राज्यपाल महोदयांशी डॉक्टर सुनील गायकवाड यांनी चर्चा केली. विद्यार्थ्यांचे शैक्षणिक नुकसान होऊ नये या हेतूने डॉक्टर सुनील गायकवाड यांनी राज्यपाल महोदयांनी कडे दुबारा परीक्षा घ्याव्यात अशी विनंती केली.
