*ट्वेन्टीवन ॲग्रीने आंतरराष्ट्रीय आर्युवेदीक कंपनी सोबत*
*केली अश्वगंधा लागवड पाहणीची शिवारफेरी*
*वनऔषधी व सुगंधी वनस्पती लागवड योजना*
*जिल्हयातील सर्वच तालुक्यात राबविणार*
*सौ. अदिती अमित देशमुख*
- लातूर तालुक्यात सेंद्रीय शेती आणि सुगंधी औषधी वनस्पती लागवड यशस्वी
- जिल्हाभरात सेंद्रीय शेती, सुगंधी औषधी वनस्पती लागवडीस चालना देणार
- शेतकऱ्यांनी योजनेत सहभाग घ्यावा
*लातूर (प्रतिनिधी): (शनीवार दि. २६ फेब्रुवारी २०२२)*
लातूर तालुक्यातील शेतकऱ्यांना पारंपरीक पिकांसोबत सेंद्रीय शेती आणि सुगंधी औषधी वनस्पती लागवड करून हक्काचा मोबादला मिळावा यासाठी ट्वेन्टीवन ॲग्री लि.,ने आंतरराष्ट्रीय आर्युवेदीक कंपनीच्या सोबत पुढाकार घेऊन ३०० एकर क्षेत्रावर अश्वगंधा लागवड केली. ही लागवड यशस्वी झाल्यामुळे लातूर तालुक्यात राबविलेली ही योजना आता जिल्हातील सर्वच तालुक्यात राबविण्यात येणार असून या योजनेत शेतकऱ्यांनी सहभाग घ्यावा असे आवाहन, ट्वेन्टीवन ॲग्री लि.,च्या संचालीका सौ. अदिती अमित देशमुख यांनी केले आहे.
लातूर तालुक्यात गत दोन वर्षापासून राबविण्यात आलेल्या या योजनेत लातूर तालुक्यातील महाराणा प्रताप नगर, मळवटी, महापूर, हरंगुळ बु., हरंगुळ खु., चिखुर्डा, आखरवाई, गातेगाव, मांजरी, सारोळा, कव्हा, जमालपूर येथील शेतकऱ्यांनी सहभाग घेतला होता. शुक्रवार दि. २५ फेब्रुवारी रोजी ट्वेन्टीवन ॲग्री ली., चे अधिकारी व कर्मचारी आणि आंतरराष्ट्रीय आर्युवेदीक कंपनीचे तज्ज्ञ यांनी सारोळा, कव्हा, जमालपूर, महापूर येथे जावून अश्वगंधा प्रक्षेत्रावर भेट दिली, अश्वगंधा शेतीची पाहणी केली, तज्ज्ञानी व कंपनी प्रतिनिधींनी काढणी पश्चातचे नियोजन बाबत शेतकऱ्यांना मार्गदर्शन केले.
*अश्वगंधा औषधी वनस्पती लागवड यशस्वी*
लातूर तालुक्यातील शेतकऱ्यांना वनस्पती शेतीला चालना देण्यासाठी प्रारंभी अश्वगंधा शेतीची प्रायोगिक तत्वावर लागवड करण्यात आली. अश्वगंधा पिक येथे यशस्वीपणे घेता येते हे प्रायोगिकरीत्या समजल्या नंतर शेतकऱ्यांना प्रोत्साहन देण्यासाठी ३५० एकर क्षेत्रावर लागवड करण्यासाठी योजना तयार करण्यात आली. या योजनेअंतर्गत ३०० एकर क्षेत्रावर अश्वगंधाची लागवड करण्यात आली. शेतकऱ्यांच्या सहभाग आणि प्रयत्नामुळे ही योजना यशस्वी झाली आहे. शेतकऱ्यांना या शेतीतून ५० हजार रूपये ते १ लाख रूपये पर्यंत फायदा होवू शकतो.
*औषधी वनस्पतीची लागवड काळाची गरज*
लातूर जिल्हयातील भागोलीक परिस्थिती, वातावरण, पर्जन्य, शेतकऱ्यांचे कौशल्य अश्वगंधा लागवडीसह सेंद्रिय शेती, सुगंधी व औषधी वनस्पतीच्या लागवडीस अनुकूल आहे. सर्वच या वनस्पती कमी पाण्यावर व कमी मेहनतीवर येतात. सोयाबीन व हरभरा पिकाला पर्यायी पीक म्हणून या पिकांची लागवड करणे फायदेशीर आहे. नवीन लागवड होणाऱ्या उसामध्येही यातील काही वनस्पतीची आंतरपीक म्हणून लागवड करता येते.
*लातूर जिल्हयात आर्युवेदीक वनस्पती लागवडसाठी पूढाकार*
लातूर तालुक्यात हा प्रयोग यशस्वी झाला आहे. सुगंधी व औषधी वनस्पतीच्या लागवडीस येथे चालना देण्यासाठी ट्वेन्टीवन ॲग्रीच्या माध्यमातून लातूर तालुक्यातील शेतकऱ्यासाठी अश्वागंधा लागवड योजना राबविण्यात आली. हीच योजना आता ट्वेन्टीवन ॲग्रीच्या माध्यमातून जिल्हयातील इतर तालुक्यात राबविण्यात येणार आहे असे ट्वेन्टीवन ॲग्रीच्या संचालीका सौ. अदिती अमित देशमुख यांनी सांगितले.
या योजनेअंतर्गत त्या त्या तालुक्यातील वातावरण आणि शेतकऱ्यांची मागणी प्रमाणे अश्वगंधा, लेमनग्रास, कालमेघ, शतावरी, हळद, सर्पगंधा, खस, अमरूजा, जिरेनियम, तुळस वनस्पतीची लागवड योजना राबविण्यात येणार आहे.
*आयुर्वेद वनस्पती योजनेत*
*शेतकऱ्यांनी सहभाग नोंदवावा*
लातूर तालुक्यातील शेतकऱ्यांनी अश्वगंधा व इतर अनेक औषधी पिकांची यशस्वीपणे लागवड केली आहे. ट्वेन्टीवनच्या माध्यमातून लातूर तालुक्या प्रमाणे लातूर जिल्ह्यातील सर्वच तालुक्यात ही योजना राबविण्यात येणार आहे, या योजनेत सहभाग घ्यायचा असल्यास किंवा अधिक माहितीसाठी धनंजय राऊत 9260000083, दत्ता वाघमारे 9604300021 यांच्याकडे संपर्क साधावा, असे आवाहन ट्वेन्टीवन ॲग्रीच्या संचालीका सौ. अदिती अमित देशमुख यांनी केले आहे.
या शिवारफेरी प्रसंगी ट्वेंटीवन शुगरचे व्हाईस चेअरमन व नियोजन समितीचे सदस्य विजय देशमुख, अश्वगंधा लागवड सल्लागार धनंजय राऊत, व्हिडीएफच्या समन्वयक संगीता मोळवणे, श्रीकांत इंगळे, तानाजी मस्के, कंपनी प्रतिनिधी विनोदकुमार के.एन., सिद्राम एस, शुभम कत्ते, विजय कांबळे, सुरेंद्र गिरी, दिगंबर सुभेदार, गणेश भाकरे, योगेश मुळे, अश्रुबा नरसिंगे, दस्तगिर शेख, प्रतीक सवासे, आकाश सव्वासे, गोंविद देवणे, कृष्णा निमट, दत्तात्रय वाघमारे, अमोल कळसे व अश्वगंधा उत्पादक शेतकरी आदी उपस्थित होते.
———
